طريقة عمل الفاصوليا والرز والبط
- المقادير الفاصوليا
فاصوليا بيضاء مسلوقة
طماطم
بصل
فصين توم
ملح
فلفل اسمر
مرقة دجاج
توابل
- الطريقة
اولا نسلق الفاصوليا في ماء وملح لحد ماتستوي وتبقي طريقة بس متتهريش وبعد نضرب اربع حبات طماطم في الخلاط وبعدين نصفيها وبعد ذلك نقشر بصل وفصين توم ونضربهم فى الكبة وبعدين نجيب وعاء عميق وعلي النار ونحط معلقة كبيرة سمنة وننزل بالبصل اللي ضربتهم في الكبة ونقل لحد ماتصفر وتاخذ اللون الذهبي وبعدين نحط الطماطم ونقلب كويس ولما تقرب تاخد تسبيكة ننزل بالفاصوليا ومعلقة صلصة وبعدين المرقة والملح والفلفل الاسمر والتوابل وتبقي تزودها شوربة م شوربة البط وبالهنا والشفا على قلوبكم جميعا.
طريقة عمل البط المحمر في الفرن
- المقادير
ملح
مية
مرقة دجاج
فلفل اسمر
بطة متنضفة
رز
بصل
توابل
- طريقة عمل البط المحمر
اولا هنجيب وعاء عميق ونحط في مية علشان البط يتسلق كويس وبعدين ننضف البط كويس بالخل والليمون والملح وبعدين تسلق ربع كوب رز في شوية مية علي النار ونحط فلفل اسمر وملح ومرقة دجاج و نبشر بصلة فيها ومعلقة سمنة ونقلب الحاجة كويس جدا وبعدين نحشي بيها البط هنقفل رجليها كويس وبعدين لما المية تغلي نحط البطة فيها ونقلها علي جميع النواحي لاحد ماتتسلق حوالي ساعة ونص ساعتين كدة ونحط ملح وربع معلقة سكر ومرقة دجاج وفلفل اسمر وحبهان وورق لورى على المية عشان تعملنا احلي شوربة دسمة جدا وبعد ذلك نحطها في الفرن تاخد اللون الذهبي وبالهنا والشفا
- طريقة عمل الارز بالشعرية
المقادير
رز
شعرية
ملح
سمنة
الطريقة
اولا هنجيب وعاء عميق ونحط معلقتين سمنة وبعدين ننزل بالشعرية لاحد ماتاخد اللون الاصفر او الذهبي ونقلب كويس
وبعدين تغسل الرز وننزل بيها على الشعرية وبعدين نص معلقة ملح وبعدين نظبط المية ولما تشرب ميتها نقلب الرز كويس ونوطي النار وبالهنا والشفا على قلوبكم
وفي النهاية اتمني يكون الموضوع عجب حضراتكم
وممكن الاكلة دي تتعمل في عزومة بس لابد يكون جنبها حاجة كمان زي لوبيا مثلا او بطاطس او اي حاجة علشان تملا السفرة اكتر وكمان بقى متنسيش الحلويات اشهي واحلي الاكلات في صفحتنا واشهي اكلات رمضان حلويات ومعجنات العيد كمان وكمان الحي وصفات اكلات شرقية وغربية عندنا وبس.
تعليقات
إرسال تعليق